Խալին ձեռք տալ չի՞ կարելի․ Արամ Բադալյան. nairimed.com

Էսթետիկ և բժշկական ցուցումներով խալ հեռացնելու որոշում կայացրած յուրաքանչյուր մարդու այս հարցը շատ է վախեցնում և երբեմն հետ է պահում այդ գործողությունից:
⠀
Ի՞ նչ է խալը և ինչի՞ց է առաջանում
⠀
Նևուսը կամ խալը գոյացություն է, որը տարբերվում է գույնով և տեսքով մաշկի մնացած մասերից: Որպես կանոն, խալերը չեն առաջանում ի ծնե, բայց ձևավորվում են հասունացման շրջանում: Ակտիվորեն վտանգավոր արևի տակ գտնվելը կարող է ակտիվացնել խալերի ձևավորումը:

Խալերը կարող են լինել հարթ, արտափքված, դեղինից մինչև սև գույն և նրանց վրա կարող են աճել մազեր: Պետք է զգոն լինեք, եթե խալերը առաջացել են արևի տակ երկար ժամանակ գտնվելուց հետո:
⠀
Ե՞րբ պետք է հեռացվի խալը
⠀
Եթե խալը փոխում է ձևը կամ մակերեսի կառուցվածքը, անհարմարություն է առաջացնում, վնասվում է, խորհուրդ է տրվում այն հեռացնել: Խալերը ցանկալի չի հեռացնել, եթե առկա են քրոնիկ հիվանդություններ սրացման փուլում, եթե խալի շուրջ մաշկի տեսքը անառողջ է, ինչպես նաև սրտանոթային հիվանդությունների ժամանակ:
⠀
Ինչպե՞ս են խալերը հեռացնում
⠀
Ամենաարդիական և անվտանգ մեթոդներից մեկը լազերային հեռացումն է:

Լազերային վիրաբուժության առավելություններն են`

• գործողությունը արագ է, տևում է ընդամենը 3-5 րոպե
• թույլ է տալիս հեռացնել պիգմենտային, անոթային և նևուսի այլ տեսակները
• մաշկը ամբողջապես ապաքինվում է արդեն 5-7 օր անց
• հեռացումը անցավ է, կատարվում է տեղային անզգայացման տակ և հիվանդը կարիք չի ունենում անզգայացնող դեղեր օգտագործել

Ինչպե՞ս հասկանալ, որ խալը պարտադիր է հեռացնել

Անհապաղ դիմեք բժշկի հետևյալ հատկանիշները նկատելու դեպքում`

• գույնի փոփոխություն
• ավելի քան 1 սմ տրամագիծ
• անհավասար գունավորում
• մեծանում է չափի մեջ
• խալերի քանակը կտրուկ աճում է
• խալի մակերեսի մազաթափություն
• եզրագծերի փոփոխություն, ասիմետրիկ ձև, «ատամնավոր» եզրեր
• նևուսի շուրջ հայտնվեցին փոքրիկ սև կամ շագանակագույն կետեր
• զգայունության փոփոխություններ քորի առաջացման, այրման կամ ցավի տեսքով
• «հին» -ի տեղում նոր խալ է աճում

Ոչ վտանգավոր խալերը նույնպես կարելի է հեռացնել, սակայն այս դեպքում արդեն հեռացնելու որոշումը կայացնում է պացիենտը:

Հարցեր, պատասխաններ, մեկնաբանություններ